Amazon va abrir la nueva plataforma loxística de Siero esti branu

Va cuntar con una superficie de 3.000 metros cuadraos

Amazon va abrir esti branu la nueva plataforma de Siero, que va cuntar con una superficie de 3.000 metros cuadraos y va crear 15 puestos de trabayu, informó la empresa esti xueves nun comunicáu.

Les empreses de repartu independientes coles que trabaya Amazon van contratar a más de 40 conductores, que van recoyer los paquetes na nueva estación para apurrí-yoslos a los veceros d'Asturies.

El vicepresidente d'Amazon Logistics n'Europa, John Tagawa, resaltó que la puesta en marcha d'estes nueves instalaciones va sumar "capacidá y flexibilidá" a la rede de repartu pa facer la entrega de los productos más rápida que nunca.

Pela so parte, l'alcalde de Siero, Ángel García, resaltó l'allugamientu "estratéxicu" y les "perbones comunicaciones del conceyu, y l'impulsu económicu" que va suponer la llegada d'Amazon tanto pal conceyu como pal conxuntu d'Asturies.