Ana María Cotarelo, responsable de 'Quesos de Taramundi'

El mundu del quesu llegó a la so vida por casualidá

Ana María Cotarelo lleva 30 años al pie del cañón pa caltener viva la esencia del quesu Taramundi. Ye la responsable de 'Quesos de Taramundi', la única fábrica d'estes característiques del conceyu. El mundu del quesu llegó a la so vida por casualidá, pa facer frente a un problema de recoyida de lleche na zona.

Entamó procesando 500 llitros caldía de lleche nunes instalaciones mui pequeñes de malapenes 150 metros y reconoz que los entamos tuvieron enllenos d'incertidume.

Güei'l so negociu triplicó la producción. Lleguen a facer hasta 150 pieces de quesu nun día y contando namái con dos trabayadores.

Les ventes fueron medrando y tamién l'afán de superación. En 2008 decidió camudar l'asitiamientu de la empresa y llevala a una nave de 400 metros cuadraos onde salen seis variedaes de quesu, ente elles, la más famosa: quesu con nueces.

Güei Ana María, amás de facer quesu, impulsa visites guiaes a la fábrica. Cada vegada son más los turistes qu'amás d'esfrutar del productu, tamién quier ver la so fechura.