Andrea Moreno vuelve a trabayar al so llar, dempués d'estudiar y dar los sos primeros pasos llaborales fuera d'Asturies

Anima a buscar oportunidaes n'Asturies a otros mozos que tuvieron que colar del Principáu

P’Andrea Moreno volver a pasiar per Xixón ye un suañu fechu realidá. Forma parte d’una xeneración de mozos que tuvo que colar d’Asturies pa formase y dar los sos primeros pasos nel mundu llaboral, anque siempres tuvo claro que’l so oxetivu yera volver.

Diez años dempués algamólo. Acaba de facese con una beca predoctoral Severo Ochoa pa contribuyir dende la Universidá d’Uviéu a la investigación nel so campu, la Socioloxía.

Una oportunidá que-y llega dempués de pasar per Salamanca, Barcelona, Méxicu y Francia.

Feliz pola so vuelta, anima a los mozos asturianos que como ella tuvieron qu’emigrar a buscar oportunidaes pa poder volver a casa.