Anticorrupción recurre'l sobreseimientu de Fernández Villa nel casu Hulla

La Fiscalía pide que los médicos forenses practiquen una nueva reconocencia a Villa

La Fiscalía Anticorrupción decidió recurrir l'autu de sobreseimientu de la causa abierta escontra l’ex-líder del SOMA-UXT José Ángel Fernández Villa nel Casu Hulla que dictó va una selmana'l Xulgáu d'Instrucción númberu 3 d'Uviéu basándose nel deterioru de la so salú mental.

Nesi autu, la maxistrada esponía qu'esi deterioru "fai invidable la so comprensión sobro'l desenvolvimientu del procesu" anque afita que l'ex dirixente sindical, de 81 años, tendrá de sometese a la revisión periódica del so estáu de salú énte'l supuestu de que la mesma algame condiciones favorables.