Antorches de sofitu a los trabayadores en fuelga d’Ebhisa

Esperen retomar les negociaciones cola compañía nel Sasec

Los cuatro trabayadores d’Ebhisa enzarraos n’El Musel cumplen 12 díes en fuelga de fame. Ayeri pela nueche, decenes de persones encendieron antorches y llinternes dende La Campa Torres como muestra de sofitu.

Protesten escontra’l despidu de siete trabayadores y poles condiciones del ERTE aplicáu por esta empresa, de participación pública, dedicada a la carga de granel sólido nel cai xixonés.

Ayeri dieron una carta al presidente del Principáu y esperen retomar les negociaciones cola compañía nel Sasec.

Pa les 20:00 convocóse un paséu solidariu ente Los Xardinos de la Reina y La Playa l’Arbeyal.