Arándanos y lleche ecolóxico con sellu de La Peña, en Salas

Dende 2017 usen envases biodegradables nel so afán por cuidar el mediuambiente

Dende va doce años, nestes finques de La Peña cultívense cinco variedaes d’arándanos. Una plantación qu’apostó, dende l’entamu, por plantar n’ecolóxico asegura Toño García, d’Arándanos La Peña.

Al añu, procesen unes 30 tonelaes d’arándanos y namás el 10% queda n’Asturies. Daqué de lo que s’amuesen sobre manera arguyosos ye en que, dende 2017, usen envases biodegradables. Tamién apostaron por cubrir les dos hectárees qu’ocupa la plantación, por mor del tiempu que, precisamente, esti añu, nun lo ta poniendo fácil.

Per otru llau, va dos años sacaron al mercáu lleche ecolóxico. Venden unos 25.000 llitros al mes, d’una lleche que se consume, na so mayoría, fuera d’Asturies y que, asegura, destaca pol so sabor y testura.

Defende que Frisona Bio ye un proyectu de llargu percorríu, y confía en que cuando algame los 100.000 llitros de venta al mes, puean xestionalos les propies ganaderíes.