Argüelles, Vallina y Conde llucharán pola candidatura d'IX a les autonómiques

Argüelles refuga'l llamamientu de Llamazares pa presentase con Actúa

El coordinador rexonal d'Izquierda Xunida, Ramón Argüelles, la eurodiputada Ángela Vallina y la conceyala avilesina Carmen Conde llucharán pola candidatura de la coalición a la presidencia del Principáu.

De nada sirvieron los llamamientos d'Argüelles pa construyir una candidatura de consensu. Ente los que van acompañar a una de los sos rivales, Ángela Vallina, tán, ente otros, el diputáu Ovidio Zapico.

Otru diputáu, Jaime Gareth Flórez, súmase, pela cueta, a la llista del coordinador rexonal. Güei acababa'l plazu pa la presentación de los avales necesarios pa presentase a les primaries. Les votaciones sedrán el próximu 9 de marzu.

A la división nes files d'Izquierda Xunida d'Asturies súmase la nueva ufierta fecha ayeri pol ex-diputáu Gaspar Llamazares. Ramón Argüelles refuga'l llamamientu del agora dirixente de la plataforma Actúa pa presentase en coalición nes próximes xenerales.