Arranca una nueva edición del programa de Mentoríes de Compromisu Asturies XXI

L'observatoriu de la nueva migración asturiana sedrá una realidá bien llueu

Un total de 88 mozos y moces participarán nuna nueva edición del programa de Mentoríes de Compromisu Asturies XXI, que se presentó esta mañana n’Uviéu. Cunta col sofitu de la Universidá, FADE, Caxa Rural y empreses como TotalEnergies, Ontier o’l Grupu Eulen.

El programa de Mentoría cumple 15 ediciones poniendo en contactu a estudiantes d’últimu cursu de grau o máster con profesionales con llargues trayectories. Trátase de que los y les asesoren pal so inxerimientu nel mercáu llaboral. En 15 años, 500 mozos y moces pasaron per estos programes.

Munchos de los mozos y moces que tán terminando los sos estudios tienen la vista puesta fuera d’Asturies. Ehí tamién hai trabayu pa retener talentu.

Compromisu Asturies XXI propunxo va un añu la creación d’un observatoriu de la nueva migración asturiana, que sedrá una realidá bien llueu. L’oxetivu ye desendolcar polítiques de vuelta d’aquelles persones que colaron d’Asturies, pero identificando nueves realidaes como’l teletrabayu. El perfil del migrante asturianu camudó y les polítiques tienen que dir na mesma dirección.