Asturex espera volver a medrar en ventes en mercaos como'l británicu

Les empreses lloxístiques busquen alternatives de tresporte pa sortear la crisis d'El Mar Coloráu

Asturies quier volver a medrar en ventes nel Reinu Xuníu dempués del brexit y les empreses lloxístiques esfuércense estos díes en buscar alternatives de tresporte pa salvar la crisis d’El Mar Coloráu. Son dos de los asuntos de los que se faló nos Open Days d’Asturex, l’eventu pa empreses y profesionales de comerciu esterior qu’ente ayeri y güei celebróse n’Uviéu.

Ye l’eventu añal más importante qu’entama la Sociedá Asturiana de Promoción Esterior. Cumplíos los oxetivos de participación, Asturex espera agora que mercaos como’l británicu vuelven a ser destín de productos asturianos.

La principal torga qu’alcuentren agora les empreses asturianes que mueven mercancía nel esterior ye la medría de los costos y los tiempos de viaxe pola crisis d’El Mar Coloráu, de 2.000 dólares por traer un contenedor dende Asia a Xixón, a 6.500. Asina que les empreses lloxístiques tán buscando alternatives per avión y per ferrocarril.

Los transitarios esperen que’l preciu de los fletes marítimos dende Asia baxen al rodiu d’un 20% a finales de febreru.