Asturies supera la media estatal de probitú o esclusión social​

Más de 280.000 asturianos tán en riesgu de probitú o esclusión social

Un total de 282.471 residentes n'Asturies, el 27,7% de la población de la comunidá, vivíen el pasáu añu en riesgu de probitú o esclusión social, lo que supón un aumentu de 30.000 persones y 3,1 puntos al respective de 2019.

La tasa Aropede Asturies, que mide la población en riesgu de probitú o esclusión social, sigue asina col enclín al alza empecipiada en 2018 y asítiase percima de la media nacional, que xubió del 25,3 al 26,4%.

Estes son dalgunes de les cifres incluyíes nel informe "Siguimientu del indicador de Probitú y Esclusión Social n'España 2021. Informe AROPE", presentáu esti xueves pola Rede Europea contra la Probeza y la Esclusión Social n'Asturies (EAPNAS).

L'estudiu reflexa que de les 30.000 nueves persones que se vieron el pasáu añu nesta situación n'Asturies, 25.000 son muyeres.