Asturies algama los 142 infestaos pol COVID-19 al sumar 35 positivos más

El Llaboratoriu de Viroloxía del HUCA validó 2.135 amueses

El númberu de casos positivos de COVID-19 asitióse esti domingu en 142 positivos, 35 más qu'ayeri pela tarde, según el balance fechu públicu pola Conseyería de Salú, que caltién como activos 138 d'ellos.

A los dos casos que nos últimos díes recibieren l'alta médica sumóse ayeri un tercer paciente que superó una infección que, pel momentu, costó la vida n'Asturies a un profesor de 68 años venceyáu al biltu detectáu na Fundación Masaveu, n'Uviéu.

El Llaboratoriu de Viroloxía del HUCA validó 2.135 amueses, de les que 1.927 resultaron negatives.