Asturies apuesta pola inclusión de persones con discapacidá nel mercáu llaboral rural

Dende Agropec vuelve faese una llamada d'atención sobre la delicada situación del sector agroalimentariu

El conseyeru de Mediu Rural y Política Agraria, Marcelino Marcos Líndez, ratificó esti vienres el "sofitu” del Gobiernu rexonal a los programes d'inclusión de persones con discapacidaes al mercáu llaboral, sobre manera nel mundu rural onde puen contribuyir al desenvolvimientu del sector primariu.

Les polítiques d'inxertamientu de les persones con discapacidaes distintes son “fundamentales” porque “ayuden a abrir les puertes a un colectivu en riesgu d’esclusión", afirmó'l conseyeru na presentación del programa Talentos del grupu ONCE, na 37 edición de la Feria del Campu y les Industries Agrícoles (Agropec).

El programa Talentos ta cofinanciáu pol Fondu Social Europea dientro del Programa Operativu d'Inclusión Social y de la Economía Social col propósitu de fomentar la contratación de persones con discapacidá por aciu d'alcuentros con empreses, prioritariamente del sector agroganaderu.