Asturies encara un branu secu tres la primavera más templada de la so hestoria

A partir de mañana y hasta’l martes dirán medrando les temperatures na rexón

El Principáu d'Asturies encara un branu con más probabilidaes de ser secu tres la primavera más templada de la so hestoria, con una anomalía de 2,4 graos percima de lo normal y que tuvo marcada pol mes de mayu, que tamién foi'l más templáu de la hestoria con una temperatura media 3,7 graos mayor  de lo avezao.

El delegáu territorial de l’Axencia Estatal de Meteoroloxía (Aemet) n'Asturies, Ángel Gómez, ufiertó esti vienres estos datos nuna rueda de prensa na qu'analizó'l balance de la primavera nel Principáu, según la previsión pal branu, qu'empieza mañana a les 23:44 hora peninsular.

Gómez avanzó qu'a partir de mañana y hasta’l martes dirán medrando les temperatures na rexón, con díes soleyeros y un riesgu mínimu de precipitación nel cordal.