Asturies prepárase pa la selmana con mayores eventos del añu

La Feria de Muestres espera más de 70.000 persones nos 16 díes que dura l'eventu

El sábadu viniente abre les sos puertes al públicu la Feria Internacional de Muestres d’Asturies, na so edición númberu 67, nel recintu Luis Adaro de Xixón, anque se cumplen 100 años dende que se celebrare per primer vegada.

Con tolos espositores ocupaos, espérase la visita de más de 700.000 persones nos 16 díes que dura l’eventu. Ye un puntu de alcuentru de l’actividá económica y comercial, pero tamién social y política que coincide cola Selmana Grande de Xixón. Dempués de la última ampliación de capital, el recintu prepárase pa ser más sostenible y dixitalmente avanzáu nos años vinientes.

El sábadu 3 d’agostu celébrase’l Descensu del Seya. Edición que tendrá la mayor participación internacional nos sos 86 años d’historia. Palistes de 25 países tomarán la salida na ponte de Les Arriondes. Ye una de les cites deportives del branu, pero tamién festiva, qu’axunta a miles de persones.

Ambiente multitudinariu que se repetirá’l domingu en Pravia. Al prau del Xirungüelu van cada añu más de 40.000 persones.