Asturies recibe a 185 neños sah.arauis del programa 'Vacaciones en Paz'

La iniciativa vien desenvolviéndose nel Principáu dende fai 24 años

Avilés recibió esti miércoles a los 185 neños sah.arauis que son acoyíos por families asturianes nel marcu del programa 'Vacaciones en Paz', de la mano de l'Asociación Asturiana de Solidaridá col Pueblu Sah.araui, a los que se-yos ufierta'l verde de la rexón, piscina, sablera y solidaridá.

Los neños fueron recibíos nel Centru Sociocultural de Los Canapés, onde se-yos ufiertó un almuerzu y fueron apurríos a les sos families d'acoyida, procedentes de munchos puntos d'Asturies.

El presidente de l'Asociación Asturiana de Solidaridá col Pueblu Sah.araui, Alberto Suárez, conseñó que'l programa tien, amás del oxetivu humanitariu, el propósitu de concenciar sobro una situación política que s'allarga nel tiempu.

'Vacaciones en Paz' ye un programa d'acoyida solidaria que se vien desenvolviendo nel Principáu dende fai 24 años, entamáu pola Asociación Asturiana de Solidaridá col Pueblu Sah.araui.