Asturies regulará'l teletrabayu de los sos funcionarios en cuestión de selmanes

El decretu que regulará'l teletrabayu ta entá negociándose colos sindicatos

El vicepresidente y conseyeru d’Alministración Autonómica, Mediu Ambiente y Cambéu Climáticu, Juan Cofiño, dio anuncia esti llunes de que "en mui poques selmanes" asoleyaráse nel Boletín Oficial del Principáu’l decretu que regulará’l teletrabayu de los funcionarios y restu de personal de l’alministración asturiana.

"L’aprobación sedrá darréu", anunció na Xunta Xeneral del Principáu a una entruga del diputáu de Ciudadanos Luis Carlos Fanjul, qu’aseguró que’l trabayu non presencial llegó pa quedar y qu’esti valdrá pa rebaxar costos, ser más eficientes y eliminar presencialismu na alministración.

Cofiño señaló que la instrucción pa la vuelta a la normalidá nel trabayu del personal de l’alministración, con dalgunes escepciones, "dase col envís d’entamar a normalizar la situación" nun momentu nel que’l decretu que regulará’l teletrabayu ta entá negociándose colos sindicatos, colos qu’espera algamar un "gran consensu".