Asturies rexistró en 2021 la segunda tasa de criminalidá más baxa del país

El pasáu añu hebo n'Asturies 26.340 infracciones penales

Asturies rexistró'l pasáu añu 26 infracciones penales por cada mil habitantes, la segunda tasa más baxa del país, frente a la media nacional de 41'3, pese a que'l númberu de delitos xubió al respective de 2020, un añu que tuvo marcáu pol confinamientu y les restricciones a la movilidá impuestes pola crisis sanitaria de la COVID-19.

Según el balance de criminalidá asoleyáu esti llunes pol Ministeriu del Interior, el pasáu añu hebo n'Asturies 26.340 infracciones penales, un 8'3 por cientu más qu'en 2020, pero un 3 por cientu menos qu'en 2019, exerciciu previu a la pandemia.

El pasáu añu destacó n'Asturies l'aumentu de los delitos sexuales, que xubieron un 23'7 por cientu, hasta 266, de los que 37 fueron agresiones con penetración, un 85 por cientu más.