Asturies suma seis muertos n'ocho díes pol COVID-19

El númberu d'hospitalizaos xube de 73 a 84

Asturies, que sigue en nivel baxu de riesgu pol COVID-19, rexistró ente’l 4 y el 11 de xineru la muerte de seis persones d’ente 62 y 94 años, según los datos espardíos esti vienres pol Ministeriu de Sanidá y la Conseyería de Salú.

La cifra d’hospitalizaos medró nel mesmu periodu de 73 a 84 actuales, de los que 79 taben en planta, 12 más que nel anterior balance, y cinco n’unidaes de cuidaos intensivos, unu menos.

Nesi periodu detectáronse n’Asturies 265 nuevos casos de coronavirus, de los que 155 son de persones de 60 años o más, colectivu sobre’l que se centra l’actual estratexa de siguimientu de la pandemia.​