Asturies suspende l'autorización urbanística pa la instalación de parques de bateríes en zona non urbanizable

Van declarase incompatibles los usos d'estes bateríes nos núcleos rurales

El conseyeru d'Ordenación de Territoriu, Ovidio Zapico, anunció l'entamu del trámite pa la suspensión d'autorizaciones urbanístiques relatives a la instalación d'almacenes de bateríes en suelos non urbanizables tres ser alcordáu esti miércoles pola comisión permanente de la Cuota.

Zapico fixo esti anunciu nuna xunta en Ques, en Piloña, con vecinos de la zona y d'otros conceyos nos qu'había empreses interesaes n'instalar esti tipu d'infraestructures.

El conseyeru esplicó qu'esta suspensión va recoyer nun decretu, que se ta ellaborando por trámite d'urxencia, que va contemplar el cambéu del Reglamentu d'Ordenación del Territoriu y Urbanismu d'Asturies (ROTU) pa incorporar amás d'esta paralización, un nuevu epígrafe nel que se van declarar incompatibles los usos d'estes bateríes nos núcleos rurales.