Asturies va abrir 31 escueles rurales p'asitiar población en 30 conceyos

Amenorgamientu de la ratiu per aula y midíes p'atraer docentes a la rede d'Escuelines

31 escueles rurales van abrir n'Asturies, y van ayudar, según el Principáu, a asitiar población neses zones. Nel plenu del Observatoriu de la Escuela Rural, que tuvo llugar n'Illas, tamién se confirmó l'amenorgamientu a 23 de la ratiu d'alumnáu nes aules, y el descensu de dos alumnos nes aules de les escueles rurales.

Un total de 31 centros de 0 a 3 años en 30 conceyos. Ye'l retu p'anguaño d'un proyectu pioneru n'España, el de la rede autonómica, pública y gratuita de Les Escuelines. Iniciativa qu'ayuda a asitiar población na zona rural.

Una novedá que va beneficiar a les escueles rurales ye la baxada del númberu d'alumnos nes aules.

Tamién s'anunció que, nel concursu de tresllaos del profesoráu, va tener doble puntuación el qu'opte a trabayar en zones rurales: una midida p'atraer a docentes.

Amás, la Conseyería confirmó la execución de más de la metá de los 18 millones d'euros d'inversión en dixitalización, ordenadores y aules dixitales interactivas, y otros cinco millones d'euros n'infraestructures na redolada rural.