Asturies vuelve realcontrase col Gordu del Neñu

El númberu 94.974, primer premiu del Neñu

Asturies realcontróse anguaño col Gordu del sortéu estraordinariu de la llotería del Neñu, que cayó nel númberu 94.974, vendíu en dellos llugares españoles, ente ellos Uviéu, Xixón y A Veiga, onde s'espacharon tres décimos por un valor total de 600.000 euros.

L'alministración de la cai Palacio Valdés númberu 9 de Xixón vendió un décimu del primer premiu y otru del terceru (57.033), lo que supón, en palabres del so propietariu, Borja Muñiz, “munchu contentu".

El secretu d'esti local, que tamién espachó un boletu del Gordu del últimu sortéu de Navidá, pa repartir tantos premios ye'l "trabayu".

Tamién se vendió un décimu del Gordu nel 'Estancu de la suerte' de la cai Xovellanos d'Uviéu, que nel sortéu de Navidá espachó, amás, otru décimu del primer premiu y dos décimos de tres quintos.

N'A Veiga, el llugar premiáu cola bona suerte foi'l Bar Asturias, un local de venta per terminal que rexenta Amalia Gil y que vendió un décimu del Gordu.

Amás d'espachase en Xixón, l'alministración de la cai San Bernabé, n'Uviéu, repartió 250.000 euros del tercer premiu, tres vender una serie completa pel ventanu.