Aumenta'l númberu d'ocupaos que demanden otru empleu

Medra la contratación nel sector servicios y suben les xornaes parciales y discontinues

Asturies tien 52.984 persones en paru, un 21,5% menos qu'en 2019. Una buena noticia que contrasta col aumentu de lo que'l sindicatu USO llama "trabayadores probes". Nestos cinco años medró'l númberu de persones con empléu que busquen otru. Son unes 2.000 persones más les que tán descontentes col so trabayu. Normalmente por xornaes mui pequeñes y salarios mui reducíos.

El 31% de los contratos que se firmen cada mes n'Asturies son indefiníos, pero d'estos malapenes cuatro de cada 10 son a xornada completa.

Enantes fixos discontinuos yeren comedores, estraescolares y monitores d'esquí, ente otros. Agora ye'l contratu de los bolos, sustituyíu a obra y serviciu.

Y que se ta amás terciarizando. USO alvierte de qu'Asturies crea más empleu nel sector servicios que'l restu del país, cola estacionalidá qu'eso supón.