Aumenten los delitos rellacionaos colos xuegos online

La Guardia Civil alvierte que los menores nun son conscientes de qu'interactúen cuando xueguen con xente que nun conocen

Adolescentes xugando online na so habitación ye una imaxe avezada, pero nin los neños, nin sos padres, alvierte la Guardia Civil, son conscientes de qu'estos xuegos puen ser la puerta pa un nuevu tipu de delincuencia.

Francisco Royano, miembru del equipu de delitos escontra les persones de la Guardia Civil, pide que si noten nesos chats dalguna entruga estraña, lo anuncien y faigan una semeya de la pantalla.

Los xuegos online son unu de los nuevos delitos n'internet, pero los más avezaos siguen siendo les estafes. Ente ellos el phising, mensaxes falsos por casu de la DXT, que ye unu de los más novedosos, sollertando d'una hipotética multa o de supuestes entidaes bancaries, pidiendo información, esplica Luisa Díaz, miembru del Equipu Arroba de la Guardia Civil d'Uviéu.

Según la Policía Nacional, n'Asturies más qu'autores de delitos de ciberdelincuencia, lo qu'hai sobre manera son víctimes. La ciberdelincuencia, señala Fernando Garmón, xefe de grupu de Delincuencia Económica y Tecnolóxica de la Policía Nacional, crez ente un 20 y un 30% al añu.

Entá asina, afiten los espertos, la situación d'Asturies ye meyor que la d'otres comunidaes, pol avieyamientu de la población, yá que los autores suelen ser xente nuevo.