Barbón: "Los partíos que refuguen el presupuestu aspiren a tar na oposición"

El presidente del Principáu alude a les cuentes de la "recuperación"

El presidente del Principáu, Adrián Barbón, señaló que los partíos que refuguen los presupuestos del Principáu pa 2023 van allugase nel "bloquéu" y la "negatividá" y aspiren "clarísimamente" a asitiase na oposición na próxima llexislatura.

Asina lo manifestó esti vienres el xefe del Executivu asturianu, qu'asistió al plenu de la Xunta Xeneral nel que s'alderiquen les enmiendes de totalidá del proyectu presupuestariu presentaes por PP, Ciudadanos, Foro y Vox, nenguna d'elles tien posibilidá de salir alantre.

Barbón confió en qu'asina seya, porque les cuentes del próximu añu, que raspien los 6.000 millones d'euros, son les de la "recuperación" de la comunidá.

Aquellos grupos que les sofiten aspiren a gobernar n'Asturies, mientres que los que s'opongan van instalase nel "non", nel bloquéu" y na "negatividá" y, polo tanto, a tar "na oposición".