Barbón desvincula l'anuncia de la marcha de Danone del sistema fiscal asturianu

El presidente valora la collaboración de Ciudadanos frente a un PP incapaz de superar a Vox

El presidente del Principáu, Adrián Barbón, valoró güei la capacidá de Ciudadanos d’algamar acuerdos y apurrir "idees" al Gobiernu frente a un PP centráu en "falar mal d’Asturies" y en "echar la culpa de too" al Executivu asturianu al empar que s’amuesa incapaz de superar n’intención de votu a Vox, según les últimes encuestes.

Barbón manifestóse asina nes sos rempuestes nel turnu d’entrugues al presidente a los portavoces del PP, Ciudadanos y Foro venceyaes a la competitividá d’Asturies, a so capacidá p’atrayer empreses y evitar deslocalizaciones y, más en concreto, sobre les midíes pa potenciar el sector agroalimentariu dempués de l’anuncia de Danone del pieslle de la so planta de Salas.

Según la portavoz del PP, Teresa Mallada, el Gobiernu enteróse pela prensa "una vegada más" d’esa decisión de la multinac.ional y Barbón llendóse a atribuyila "a l’avaricia empresarial" a pesar de ser una situación que yá se produxere nel so mandatu con Vesuvius, Alcoa o Vauste y que ye consecuencia, a xuiciu de so, de 34 años de polítiques socialistes.