Barbón espera consiguir el votu d'un Foro "ecuánime" frente a un PP y Vox que bloquien

Los presupuestos del Gobiernu siguen alantre tres el refugu de les enmiendes de PP y Vox

El presidente del Principáu, Adrián Barbón, va siguir negociando los próximos díes pa intentar consiguir el sofitu de Foro a los presupuestos de 2024 y agradeció al so diputáu, Adrián Pumares, el calter ecuánime que caltuvo y que "nun cayó nel non pol non al que nos tienen acostumaos el PP y Vox".

Al acabu del plenu de la Xunta Xeneral, nel que se refugaron les enmiendes de totalidá presentaes pol PP y Vox al proyectu de Llei de Presupuestos pa 2004, que xube a 6.348 mllones d'euros, el xefe del Executivu asturianu aseguró que sigue aspirando a cuntar col votu favorable de Foro nel alderique de les enmiendes parciales.

Anque Barbón yá tien garantizada l'aprobación de los presupuestos, señaló qu'hasta que se produza esi plenu, nel que van quedar definitvamente aprobaes les cuentes autonómiques del próximu añu, van intentar siguir negociando con Foro.