Busquen financiamientu pa instalar plaques solares na mar

Prevése instalar el primer prototipu nel cai de Vigo en cuatro años

Lo fotovoltaico flotante sobre agua interior, como los llagos, tien menos d'una década d'hestoria. Lo marítimo ye entá más recién. Inda nun esisten proyectos comerciales, pero'l del consorciu Helio Sea, lideráu pola Universidá d'Uviéu, podría ser el primeru. Nuna fase entá temprana de les investigaciones, el preciu de la enerxía producío yá iguala, nel escenariu más favoratible, al d'otres tecnoloxíes más consolidaes, como lo eólico flotante.

La Escuela Politécnica de Mieres ta a la vanguardia d'esta anovación que dexaría instalar parques solares sobro'l mar, cerca de la mariña, p'abastecer industries como l'acuicultura, el sector pesqueru y el tresporte marítimu.

El modelu asturianu combina la tecnoloxía de lo fotovoltaico terrestre col sistema d'anclaxe al fondu marín de les plataformes petrolíferes.

Nel consorciu participen delles universidaes europees, empreses y el cai de Vigo, onde ta previsto instalar el primer proyectu pilotu en cuatro años. Agora, busquen financiamientu.