CCOO recuérda-y a Exiom que tien que dar prioridá nes sos contrataciones a 79 trabayadores de Vesuvius

El sindicatu apunta qu'un 30% d'esos trabayadores tán nel paru

Comisiones Obreres pidió a la fábrica de paneles solares Exiom, instalada na antigua nave de Vesuvius de Llangréu, que recuerde los sos compromisos y dea prioridá a los ex-trabayadores de l’antigua Vesuvius cuando entame la selección de personal.

De más d’un centenar de trabayadores que tenía Vesuvius, 79 taríen en situación de ser recolocaos, según el sindicatu.

D’ellos, un 30% tán nel paru; un 60% tien contratos temporales; y un 10%, indefiníos.