Cada vez más xente nuevo pide tratamientu por problemes graves de consumu de cannabis

El Centru Amigos Contra la Droga lleva más de 30 años tratando tou tipu d'adicciones

Abraham Díaz Suárez va dende va cuatro meses a un grupu de terapia cola psicóloga, y participa nel restu d'actividaes qu’igua’l tratamientu nel Centru Amigos Contra la Droga.

Con 17 años cayó nuna adicción, na que'l sexu y la droga llegaron a remanar la so vida, anque siempres consiguió conciliar el so problema cola vida llaboral. Fai mediu añu dixo basta.

Los profesionales del centru detecten que cada vez más xente nuevo pide tratamientu por problemes graves de cannabis que traen acomuñaos, otros consumos y trestornos psiquiátricos graves.

L'añu pasáu recibieron tratamientu nesti centru 119 persones, el 70% con consumu de más d'una sustanza. La media d'edá de los usuarios ye de 38 años, y cuasi la metá taba en situación de desempléu.

El 80% fueron homes, anque cada vez más muyeres deciden dir a terapia, según esplica Pilar Soberón, psicóloga clínica del Centru Amigos Contra la Droga d'Avilés.

Un 41% de les persones atendíes consiguieron l'alta terapéutica, en consiguiendo los oxetivos rellacionaos con cambeos de vezos sociales y de salú.

La media d'estancia y tratamientu foi de siete meses. El 70% consiguieron un empléu.