Calvo avisa de que'l refugu de los recursos sobre'l llobu xenerará problemes

Sergio García: "Los ganaderos nun quieren indemnizaciones, esa nun ye la solución"

El conseyeru de Mediu Rural y Cohesión Territorial, Alejandro Calvo, alvirtió güei de que’l refugu de los recursos presentaos hasta agora por cuatro comunidaes autónomes escontra l’inxerimientu del llobu nel catálogu d’especies protexíes fadrá que’l resultáu final "tarde", lo qu’acabará "xenerando problemes" nesos territorios.

Calvo fizo estaes afirmaciones na so rempuesta a una entrega del diputáu de Ciudadanos Sergio García sobre qué acciones van llevase alantre dende la so Conseyería dempués de la entrada en vigor de la prohibición de la caza del llobu en tol territoriu español.

Según García, el Gobiernu central "faltó a la verdá" cuando aseguró que, a pesar del inxerimientu del llobu nel llistáu d’especies protexíes y prohibir la so caza en toa España, les comunidaes que cuntaren con planes de xestión qu’inxertaren la posibilidá de matar exemplares pa controlar la so población podríen siguir llevándolos alantre.