Candás conviértese na capital del Parllamentu Rural Européu y de la Mocedá

Alderique sobre les necesidaes y los desafíos a los que s'enfrenten les zones rurales

Cerca de 500 persones vinientes de 38 países europeos pondrán en común dende'l miércoles hasta'l sábadu en Candás les necesidaes y los desafíos a los que s'enfrenten les zones rurales pa tratar d'influenciar nes polítiques que promueven les instituciones comunitaries.

Esti ye l'oxetivu de la celebración del cuartu Parllamentu Rural Européu que tendrá llugar na villa candasina a la que dirán políticos asturianos, nacionales y europeos, un eventu entamáu per primer vegada n'España pola Rede Asturiana de Desendolcu Rural (Reader) en collaboración col Gobiernu central y asturianu.

Candás tamién acueye dende güei y hasta'l miércoles el segundu Parllamentu Rural Européu de la Mocedá, que contará cola participación de setenta mozos y moces de quince países qu'intercambiarán esperiencies y recoyerán les sos conclusiones nun documentu que va unviase a les instituciones europees.