Carlos Zúñiga califica de pataleta de neña pequeña la decisión de l'alcaldesa

Asegura qu'Ana González nun tien argumentos llegales pa suprimir los toros

L’empresariu de la plaza de toros de Xixón, Carlos Zúñiga, calificó de "arbitraria dafechu" y a la escontra de la Constitución la decisión de l’alcaldesa, Ana González, de suprimir toa actividá taurina na ciudá.

L’empresariu Carlos Zúñiga lleva al frente d’El Bibio los últimos 20 años. Asegura tar triste dempués de la decisión de l’alcaldesa. Carlos Zúñiga califica de pataleta de neña pequeña la decisión de l’alcaldesa.

Recuerda que l’espectáculu taurinu nun ta subvencionáu y que l’Ayuntamientu de Xixón cobra un arrendamientu caldía pola plaza que ye’l triple de lo que cobra por cualquier otru espectáculu.

En cuantes a la polémica polos nomes, diz, son comunes nos toros de Lidia.

El contratu ta en manes de los sos servicios xurídicos, qu’agotarán tolos medios pa llegar a bon puertu. La decisión d’Ana González, recalca, pasará-y factura nel futuru.