Carnero retírase pa facilitar la integración de Podemos con IX n’Asturies

"Nengún militante nin votante de dambes formaciones entenderá qu’opten por dir separtaos"

L’ex-sindicalista Cándido González Carnero dio anuncia a la dirección estatal de Podemos de la so retirada de la candidatura al Congresu de los Diputaos pa "facilitar" la integración con Izquierda Xunida n’Asturies.

González Carnero, qu’ocupaba’l segundu llugar na candidatura de Podemos Asturies detrás de Sofía Castañón, dio anuncia de que tomó esta decisión col propósitu de "dexar en total llibertá" a la dirección de Podemos pa "conceder esi puestu a un candidatu o candidata d’IX".

"Considero que conceder el segundu puesto na llista al Congresu de los Diputaos a Izquierda Xunida d’Asturies consiguirá atrayer a un mayor númberu de votantes nes elecciones vinientes", espresó nun comunicáu.

González Carnero amestó que "nengún militante nin votante de dambes formaciones entenderá qu’opten por dir separtaos, destruyendo cualquier posibilidá d’entamar una nueva era na Xunta Xeneral del Principáu".