Celebración del Día d'Asturies en Cuadonga

Recupérase la procesión de La Santina hasta la Santa Cueva

Col regresu de la procesión de la Virxe de Cuadonga hasta la Santa Cueva pudo recuperase la celebración d'esti 8 de setiembre na so versión más tradicional, la que nun pudo ser nos postreros dos años poles restricciones de la pandemia. Quien tuvo ellí y quien lu vio al traviés de TPA pudo esfrutar de la versión más popular d'esta festividá.

Una celebración ensin mázcaru, na que los escolanos pudieron volver tar ensin él, y cantar meyor que nunca. Tampoco hebo distancia social, colo qu'hebo munchos más asistentes a la homilía. Ente ellos, el presidente del Principáu d'Asturies, Adrián Barbón.

Na homilía, l'arzobispu d'Uviéu Jesús Sanz Montes, espresó la so oposición al derechu al albuertu y a la eutanasia, ente otres cuestiones.

Anguaño, recuperóse la procesión cola Santina hasta la Santa Cueva, y el regresu de la ufrienda. Too nun ambiente mui festivu, con munchos pelegrinos y turistes na redolada del santuariu.