El conceyu de Candamu yá dio n'adopción a cinco de los nueve cachorros atopaos xunto al ríu Nalón. Los cachorros de mes y mediu d'edá fueron adoptaos por families de los conceyos de Candamu, Mieres y Avilés.
Cuatro cachorros, nesti casu, femes, siguen nes instalaciones del conceyu de Candamu a la espera d'atopar una familia.
El conceyu de Candamu fíxose cargu del so rescate y caltenimientu hasta poder dalos n'adopción.
De los nueve cachorros de mes y mediu d'edá atopaos la selmana pasada pola policía local de Candamu na redoma de la ponte de Sandiche, cinco d'ellos yá atoparon un llar.
Dos vecinos de Candamu de 42 y 31 años tán siendo investigaos pola Guardia Civil como supuestos autores d'un delitu escontra los animales.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL