Convocatoria estraordinaria del MIR pa seis vacantes de Medicina de Familia n'Asturies

Podrán optar tolos aspirantes que nun fueron axudicatarios de plaza nel procedimientu ordinariu

El Ministeriu de Sanidá abre esti llunes a les 12:00, y hasta’l 11 de mayu a mediudía, convocatoria estraordinaria del MIR 2023 pa cubrir 202 places vacantes de Medicina Familiar y Comunitaria, seis d’elles n’Asturies, a les que podrán optar tolos aspirantes que nun fueron axudicatarios de plaza nel procedimientu ordinariu.

Estes 202 fueron les úniques places que quedaron ensin cubrir de les 8.550 places ufiertaes de la titulación de Medicina nos actos d’axudicación ordinarios celebraos ente’l 17 d’abril y el 7 de mayu, según apaez na resolución de la Dirección Xeneral d’Ordenación Profesional del Ministeriu de Sanidá.