Cuasi 300.000 servilletes escontra la violencia de xéneru na fastera Ozcos Eo

Los bares y restauranes tendránles dende esti fin de selmana

Un total de 280.000 servilletes pa lluchar escontra la violencia de xéneru ye la iniciativa que ponen en marcha esti fin de selmana na fastera Ozcos-Eo, pa concienciar a la sociedá de la importancia de la igualdá.

Los bares y restauranes de siete conceyos xúnense a un proyectu que busca llevar el mensaxe a más xente. A Veiga, Castropol, Taramundi, San Tiso d’Abres y los tres Ozcos lleven años trabayando a comuña na llucha escontra la violencia de xéneru. Fáenlo, sobre manera, dende colexos y institutos.

Agora dan un pasu más involucrando a la hostelería. Tolos veceros que s’acerquen dende esti fin de selmana a los bares y restauranes de la zona alcontrarán estes servilletes reivindicatives.

A esta iniciativa xuniránse nos meses vinientes otres, como la colocación de cartelería nes cais de los pueblos o’l desendolcu d’obres de teatru con mensaxe social.