Culpable d'asesinatu con agravante l'acusada de matar al so ñácaru en Xixón

El xuráu tomó'l veredictu dempués de tres hores d'alderique

El xuráu popular declaró culpable d’asesinatu cola agravante de parentescu a la moza de 27 años xulgada por matar al so ñácaru de 53 puñalaes en Xixón en 2019, y pa la que les acusaciones soliciten prisión permanente revisable.

El xuráu, que tomó’l veredictu dempués de tres hores d’alderique, consideró que la moza cometió l’asesinatu de manera deliberada y consciente.

Nel xuiciu celebráu esta selmana na Sección Octava de l’Audiencia Provincial, la moza declaróse culpable, a pesar de que refugó responder a les entrugues de les partes, y usó’l turnu d’última palabra p’asegurar que nun tendrá "vida abonda" p’arrepentise.