DStudio dedícase a investigar los xardinos indianos pa rehabilitar estos espacios naturales

La idea busca respetar la historia y la esencia de los xardinos pa caltener y promover el so valir paisaxísticu y cultural

L’observatoriu del Xardín d’Indianos ye un proyectu ideáu por una empresa madrilana con raigaños asturianos pa recuperar esti tipu d’espacios naturales. La idea pasa por catalogar los xardinos

de los indianos pa caltener y promover el so valir paisaxísticu, artísticu y cultural.

L’enfoque de Daniel Valera ye’l de respetar la historia y la esencia d’estos xardinos, pero dándo-yos un toque más contemporaneu. Lo primero que faen, investigar y estudiar les característiques de los xardinos onde piensen actuar pa dempués rehabilitalos en función de les necesidaes específiques de caún d’ellos.

Anguaño, hai un total de 16 xardinos protexíos pol patrimoniu cultural en tol territoriu asturianu, de los que namás cuatro xardinos son de característiques indianes.

Los xardinos de los indianos suelen ser de gran tamañu y suelen tener una gran variedá d’especies vexetales, árboles exóticos trayíos adré del continente americanu y flores ornamentales autóctones.