Declaraos culpables por unanimidá los cuatro acusaos d'asesinar a Javier Ardines

El xuráu, qu'empezó a deliberar el pasáu llunes, lleó les sos conclusiones na Audiencia Provincial

El xuráu popular declaró culpables por unanimidá a los cuatro acusaos del asesinatu del conceyal d'IX de Llanes Javier Ardines, el presuntu inductor qu'actuaría por celos tres afayar que la so muyer y el conceyal calteníen una rellación, dos homes qu'executaron el crime por dineru y la persona señalada como intermediariu.

El xuráu, qu'empezó a deliberar el pasáu llunes, lleó les sos conclusiones na Audiencia Provincial d'Uviéu, onde se desenvolvió la vista oral a lo llargo de dieciocho sesiones.

La Fiscalía y l'acusación particular piden pa Pedro N.A, presuntu inductor, los ciudadanos arxelinos Djilali B. y Maamar K., acusaos como sicarios, y Jesús M., señaláu como intermediariu una pena individual de 25 años de prisión nuna sentencia qu'agora tendrá que dictar l'Audiencia d'Uviéu.