Defensa va invertir 5.000 millones n'Asturies en fabricación, tecnoloxía y formación

Valcarce participa na xornada 'Estratexa Industrial de Defensa: Motor pa la Reindustrialización d'España'

La secretaria d'Estáu de Defensa, María Amparo Valcarce afirmó esti xueves n'Uviéu que'l Ministeriu de Defensa va faer un "apueste decidíu" por Asturies, con una inversión en programes "tan ambiciosos" como ye'l VCR 8x8 Dragón y el vehículu de sofitu de cadenes (VAC), amás del impulsu en tecnoloxía y formación, que van suponer una inversión de 5.000 millones d'euros.

La secretaria d'Estáu de Defensa, María Amparo Valcarce, fixo estes declaraciones na so intervención na xornada 'Estratexa Industrial de Defensa: Motor pa la Reindustrialización d'España', que se celebra nel Taller de Cañones de la Fábrica d'Armes de La Vega n'Uviéu, onde destacó la incorporación del Corredor de la Vía de la Plata, que toma como estremos Asturies y Sevilla, nel qu'establez La Vía Carisa como una de les primeres aliances ente Linares (Jaén) y Uviéu.

"Apostemos por Asturies, por Trubia, y esperamos que, una vegada qu'acabemos el programa Pizarro, del que yá tán n'entrega los últimos vehículos de zapadores, a finales d'añu empiecen les entregues de los primeres 8x8 Dragón", dixo.

Valcarce sorrayó l'apueste pol consorciu Tess Defence, consciente de qu'una inversión d'estes característiques ye "muncho más" que la fabricación de programes militares pal Exércitu de Tierra y pal Ministeriu de Defensa.