Detenida la presunta autora de la muerte del so ñácaru en Xixón

El xulgáu alcuerda l'ingresu nel Centru Penitenciariu d'Asturies

La Policía Nacional detuvo a la madre del ñácaru atopáu muertu nun contenedor de basoria nel barriu de Nuevu Roces, de Xixón, el pasáu 2 d'agostu por ser la presunta autora del so fallecimientu.

Según informó la Comisaría xixonesa, l'arrestada pasó esti sábadu a disposición del Xulgáu d'Instrucción de Guardia de Xixón, que caltién el secretu de les actuaciones, y qu'alcordó l'ingresu nel Centru Penitenciariu d'Asturies.

El cuerpu ensin vida del ñácaru presentaba delles feríes d'arma blanca que causaron la so muerte y foi atopáu dientro d'una mochila por un home que buscaba ente la basoria.