Día d'Asturies na Feria Internacional de Turismu - Fitur 2024

Barbón asegura que'l turismu asturianu ta "énte la meyor oportunidá de la so hestoria"

El presidente d'Asturies, Adrián Barbón, sorrayó esti vienres en Fitur que "el turismu asturianu ta énte la meyor oportunidá de la so hestoria", de manera que "ye la hora de pensar nel turismu en grande, como unu de los vectores de fuerza del desenvolvimientu económicu de la comunidá".

El xefe del Executivu asturianu espresóse nestos términos nel Día d'Asturies na Feria Internacional de Turismu (Fitur), onde repasó les bones cifres turístiques llograes pola comunidá nel pasáu añu, con un récord de más de 2,7 millones de visitantes y más de 6,6 millones d'estancies.

"Fuimos la comunidá autónoma con mayor aumentu d'ingresos turísticos" y "el sector suma más de 51.800 empleos y apurre, per primer vegada, el 12% del valor añadíu brutu", valoró Barbón na so intervención nel espositor del Principáu en Fitur.