Dolce pasteleríes d'Uviéu formen parte de la iniciativa 'Uviéu Llambión'

Carbayones, xelaos de turrón o milfueyes, dalgunos de los postres que los más llambiones puen tastiar

Dolce pasteleríes d'Uviéu formen parte de la iniciativa 'Uviéu Llambión', una ruta impulsada pola conceyalía de Turismu.

Carbayones, xelaos de turrón o milfueyes son dalgunos de los postres que los más llambiones van poder tastiar nel percorríu 'Uviéu Llambión', señalen Paloma de Blas, xerente axunta de Camilo de Blas y Alfredo García Quintana, conceyal de Turismu d'Uviéu.

Una iniciativa que ta teniendo muncha acoyida por parte de los establecimientos, destaca Arancha Fernández, dueña de Briz Boutique, pero tamién por parte de los veceros, asegura Jesús Valdés, xerente de Diego Verdú.

Una ruta bien llambiona disponible hasta'l 20 d'agostu, que se completa con actividaes como una degustación na Feria de Muestres d'Asturies en Xixón.