Dos hermanos xixoneses, protagonistes d’un mundu rural que desapaez nel conceyu

Paco y Eloína entamaron a trabayar de neños y son testigos de la dureza de la vida nel campu

Nun hai día que Paco nun garre la so fesoria y dedique bona parte del so tiempu a facer lo que más-y gusta: trabayar nagüerta. Los sos 92 años nun paecen pasar factura nin nel so físicu nin na somemoria. Entá recuerda cuando con 11 años entamó a sirvir nes caseríes cercanes a so casa.

La so hermana Eloína nun tardó en siguirel so camín. Tenía ocho años cuando entamó a trabayar na mesma casa onde lo ficiere’l so hermanu.

Ellos son testigos de la dureza de la vida nel campu. Unos tiempos nos que faltaba de too, nos que’l trabayu yera de sol a sol, y nos qu’a pesar de tantu esfuerzu, nun taba garantizao siempres llevar comida a la mesa.

Y sicasí, nun mundu tan duru como aquel, entá había tiempu pa esfrutar, anque fuere per un breve espaciu de tiempu, de la vida.

Eloína y Paco recuerden aquellos momentos con señaldá.

Dambos fueron protagonistes d’un mundu, que foi pocoñín a pocoñíndesapaeciendo, pero que quedó marcáu en caúna de les engurries de la so piel.