Doscientes empreses quieren medrar fuera del Principáu

Arranquen les xornaes abiertes d'Asturex

Güei entamen les xornaes abiertes d’Asturex. Un total de 647 empreses esporten regularmente dende Asturies al esterior, que’ente xineru y payares de 2022 ficieron 290.000 operaciones comerciales y sumaron cuasi 6.000 millones d’euros en ventes. Medrar esta cifra ye clave pa la medría económica d’Asturies.

Unes cifres que punxo en valir el presidente del Principáu, Adrián Barbón, na inauguración de les xornaes, que se van allargar hasta esti xueves.

Doscientes empreses participen nesti eventu pa conocer les posibilidaes de sofitu qu’hai pa medrar n’otros mercaos. N’opinión de la presidenta de la Federación Asturiana d’Empresarios la internacionalización tien que ser un oxetivu de rexón y ye clave pa la medría y tamién pa la marca Asturies. Y pal director d’Asturex, Asturies tien munchu potencial esportador.