Duración de los trayectos d'anchu métricu

Javier Fernández fala la falta de planificación y d'actuaciones estructurales

Reculamos y vamos al añu 1913. Nun tren tiráu por una máquina, quien viaxaba de San Esteban de Pravia a Uviéu tardaba una hora y cuarenta y un minutos. Güei tárdense tres minutos más que fai más d'un sieglu.

Ye solo un exemplu de cómo 110 años dempués, poco cambió en munchos trayectos de vía estrecha. El percorríu de Llanes a Uviéu, por casu, sigue durando más de tres hores y más de dos necesítense pa llegar a Xixón dende Llaviana.

El director del Muséu del Ferrocarril de Xixón, Javier Fernández, esplica que nos años 90 la duración de los viaxes amenorga, pero darréu les esixencies en materia de seguridá obligaron a amenorgar la velocidá, y sicasí, nun hebo una adaptación del trazáu. Nun hebo planificación, afirma.

Javier Fernández considera imprescindible un plan d'actuaciones que recueya les inversiones necesaries pa una meyora real.

A diferencia de lo que socede cola vía estrecha, nel anchu ibéricu si hebo planificación, apunta. Por eso güei los viaxes duren inclusive la metá que va un sieglu.