Duro Felguera plantega 208 despidos n'Asturies

L'amenorgamientu de plantiya inclúi 40 puestos amortizaos nel estranxeru

La dirección del grupu d'inxeniería y bienes d'equipu Duro Felguera plantegó esti xueves a la representación sindical que l'espediente de regulación d'empléu (ERE) d'estinción afecte n'Asturies a 208 trabayadores, el 16% de la so plantiya na comunidá, compuesta por 1.293 persones, a lo que se sumaría l'amortización d'otros 40 puestos de trabayu nel estranxeru.

Asina lo treslladaron fontes de la compañía'l día en que se constituyó la mesa de negociación del ERE, que va afectar a la matriz, qu'agora cunta con 296 trabayadores; DFOM, con 182; Mompresa, con 122, y Felguera-IHI, con siete.

La dirección xustificó'l despidu colectivu por causes oxetives de calter económicu, granible y organizativu y dambes partes tienen per delantre un plazu de negociación d'un mes.