El Bron de los caldereros de Miranda, una de les más importantes de les ocho llingües secretes d'Asturies

Una de les señes d'identidá de la parroquia qu'inxertó les palabres nel so llinguaxe actual

A la entrada del pueblu hai una escultura na que Miranda homenaxa a los Caldereros. D’esta forma amuésase la importancia, como seña d’identidá, que tuvo esti gremiu y la xíriga qu’usaben estos artesanos y esportadores de les calderes de cobre dende’l sieglu XVIII, que desapaecieron cola llegada de la Revolución Industrial.

El 'bron' recueye palabres del asturianu y el castellanu, pero tamién del vascu o francés. Ye una de les señes d’identidá de la parroquia, una xíriga, qu’inxertó les palabres nel so llinguaxe actual.

El sacerdote, etnólogu, poeta y investigador Jose Manuel Feito, párrocu de Miranda muertu en 2020, rescató la xíriga del bron, y enseñó-yla a los vecinos. Anguaño hai recoyíes un millar de palabres, anque fueron munches les que se perdieron. Dalgunos de los vecinos recuerden les sos clases y enseñances.

Asturies cunta con ocho llingües gremiales, siendo’l Bron de los caldereros de Miranda y la xíriga de los teyeros de Llanes les más destacaes.

El bron sedrá oxetu d’análisis nunes xornaes qu'entamen el xueves qu’entra nel Centru de Servicios Universitarios, entamaes pol Centru d’Estudios del Alfoz de Gauzón y la Universidá d’Uviéu, colla collaboración del Ayuntamientu.