El Centru Asesor de la Muyer atendió a 9.506 persones n'Asturies en 2023

Asturies reforzará los centros asesores de la muyer, según Llamedo

La presidenta en funciones del Principáu, Gimena Llamedo, aseguró esti llunes que’l Gobiernu va siguir reforzando los centros asesores de la muyer lo que queda de llexislatura.

"Vamos asegurar que les muyeres de tolos puntos d’Asturies que lo necesiten tengan atención xurídica y psicolóxica con facilidá y rapidez", aseguró la vicepresidenta dempués d’anovar el conveniu que regula la xestión del centru asesor de la muyer (CAM) de Piloña, qu’en 2023 atendió a 367 usuaries, de les que 206 yeren víctimes de violencia machista.

Llamedo, y l’alcalde piloñés, Iván Allende, roblaron esti nuevu alcuerdu nel que l’Executivu autonómicu apurrirá casi 79.000 euros pa cubrir los costos de personal y funcionamientu del centru.